№79 мектепте ачык асман алдындагы музей пайда болду
Тарых жана ата-бабаларды эскерүү күнүнө карата борбор калаадагы №79 мектептин аймагында ачык асман алдындагы чакан музей пайда болду.
Тарых мугалими Астра Мүсүралиеванын демилгеси менен Чүй облусунун Токмок шаарынан табылган Караханиддер дооруна таандык балбал мектептин короосуна орнотулду.
Иш-чара мектептин окуучулары тарабынан даярдалган концерт менен коштолуп, анын алкагында улуттук оюндар, фольклордук спектаклдер, ошондой эле чыгаан тарыхый инсандардын өмүр жолунан театрлаштырылган оюн-зооктор уюштурулду.
Ошондой эле мектеп администрациясы тарабынан «Мекенибиздин тарыхынын барактары» деген темада дубал гезиттердин кароо-сынагынын жеңүүчүлөрү сыйланышты.
16.11.2021