Акын Алыкул Осмоновдун 110 жылдыгына карата иш-чара өттү
№40 орто мектебинде кыргыздын улуу акыны Алыкул Осмоновдун 110 жылдыгына арналган адабий-поэтикалык иш-чара өткөрүлдү.
Иш-чаранын максаты-акындын чыгармачылыгын, анын поэзиясынын элибиздин турмушундагы жана жүрөгүндөгү маанисин изилдөө, ошондой эле жаштарды патриоттук духта, тарых жана адабиятты сүйүүгө тарбиялоо.
Иш-чарага Ленин райондук билим берүү башкармалыгынын Мамлекеттик тил боюнча башкы адиси Чолпон Тургунбек кызы, ата-энелер жана жогорку класстардын окуучулары катышты.
Мындан тышкары, мектепте сабактар боюнча көргөзмө уюштурган жаш адистердин декадасынын ачылышы болуп, иш-чаранын конокторун комузчулардын коштоосунда тосуп алышты.
Иш-чаранын жүрүшүндө окуучулар акындын ырларын окуп, анын котормолорунан чакан сценкаларды аткарып, обондуу ырлар жаңырды.
Бул иш-чаранын өзгөчө бөлүгү мектептеги ийрим иштеринин көргөзмөсү болду, анда катышуучу өз тандоосу боюнча кичи мастер-класска катыша алды.
21.04.2025