Алматыда өткөн илимий сынакта Бишкек шаарынын окуучулары Гран-приге ээ болушту
Бишкек шаарынын Свердлов районундагы №51 мектеп гимназиясынын 4 «Б» классынын окуучулары 1-11-класстын окуучулары арасында өткөрүлгөн илимий изилдөө долбоорлоо сынагында Гран-приге ээ болушту.
Сынакка 140 башталгыч мектеп катышты. Нурел Доктурбеков, Айгүл Назарбаева жана Нурсултан Оморов жеңишке жетишти.
Бардык катышуучулар ардак грамоталар жана медалдар менен сыйланышты. Окуучулардын жетекчиси Кымбат Осмоналиевага мактоо баракчасы тапшырылды.
Белгилей кетсек, сынак Алматы шаарында “Эл аралык экология, инженерия жана педагогика илимдер академиясы” эл аралык коомдук фонду тарабынан өткөрүлдү.
09.10.2023